Библия

Поиск в Библии:
Если Вы помните фразу или часть фразы из Священного Писания, но не помните где эта фраза встречается в Библии, просто введите ее в поле поиска.
В поисковом запросе можно использовать специальные символы:
$ – строго одна любая буква,
% – одна любая буква или нет буквы,
* – несколько любых букв или нет букв.
Вы также можете указать в качестве поискового запроса ссылку или несколько ссылок на Библию любой сложности.
(Нажмите здесь, чтобы скрыть подсказку).

Изменить размер текста: AAA

Псалтирь
70:1 На Тя, Господи, уповах, да не постыжуся в век.
70:2 Правдою Твоею избави мя и изми мя: приклони ко мне ухо Твое и спаси мя.
70:3 Буди ми в Бога защитителя и в место крепко спасти мя: яко утверждение мое и прибежище мое еси Ты.
70:4 Боже мой, избави мя из руки грешнаго, из руки законопреступнаго и обидящаго:
70:5 яко Ты еси терпение мое, Господи, Господи, упование мое от юности моея.
70:6 В Тебе утвердихся от утробы, от чрева матере моея Ты еси мой покровитель: о Тебе пение мое выну.
70:7 Яко чудо бых многим: и Ты помощник мой крепок.
70:8 Да исполнятся уста моя хваления, яко да воспою славу Твою, весь день великолепие Твое.
70:9 Не отвержи мене во время старости: внегда оскудевати крепости моей, не остави мене.
70:10 Яко реша врази мои мне, и стрегущии душу мою совещаша вкупе,
70:11 глаголюще: Бог оставил есть его, пожените и имите его, яко несть избавляяй.
70:12 Боже мой, не удалися от мене: Боже мой, в помощь мою вонми.
70:13 Да постыдятся и изчезнут оклеветающии душу мою, да облекутся в студ и срам ищущии злая мне.
70:14 Аз же всегда возуповаю на Тя, и приложу на всяку похвалу Твою.
70:15 Уста моя возвестят правду Твою, весь день спасение Твое, яко не познах книжная.
70:16 Вниду в силе Господни: Господи, помяну правду Тебе единаго.
70:17 Боже мой, имже научил мя еси от юности моея, и доныне возвещу чудеса Твоя.
70:18 И даже до старости и престарения, Боже мой, не остави мене, дондеже возвещу мышцу Твою роду всему грядущему,
70:19 силу Твою и правду Твою, Боже, даже до вышних, яже сотворил ми еси величия: Боже, кто подобен Тебе?
70:20 Елики явил ми еси скорби многи и злы? И обращься оживотворил мя еси и от бездн земли возвел мя еси.
70:21 Умножил еси на мне величествие твое, и обращься утешил мя еси, и от бездн земли паки возвел мя еси.
70:22 Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, Святый Израилев.
70:23 Возрадуетеся устне мои, егда воспою Тебе, и душа моя, юже еси избавил:
70:24 еще же и язык мой весь день поучится правде Твоей, егда постыдятся и посрамятся ищущии злая мне.