Канон молебный ко Пресвятой Богородице, поемый во всякой скорби душевной и обстоянии

Изменить размер текста: AAA

Глас 8-й

Песнь 1

Ирмос: Вóду прошéд я́ко су́шу, и еги́петскаго зла избежáв, израильтя́нин вопия́ше: Избáвителю и Бóгу нáшему пои́м.

Припев: Пресвятáя Богорóдице, спаси́ нас.

Мнóгими содержи́мь напáстьми, к Тебé прибегáю, спасéния иски́й: о, Мáти Слóва и Дéво, от тя́жких и лю́тых мя спаси́.

Пресвятáя Богорóдице, спаси́ нас.

Страстéй мя смущáют прилóзи, мнóгаго уны́ния испóлнити мою́ ду́шу; умири́, Отрокови́це, тишинóю Сы́на и Бóга Твоегó, Всенепорóчная.

Слава: Спáса рóждшую Тя и Бóга, молю́, Дéво, избáвитися ми лю́тых: к Тебé бо ны́не прибегáя, простирáю и ду́шу и помышлéние.

И ныне: Неду́гующа тéлом и душéю, посещéния Божéственнаго и промышлéния от Тебé сподóби, еди́на Богомáти, я́ко Благáя, Благáго же Роди́тельница.

Песнь 3

Ирмос: Небéснаго кру́га Верхотвóрче Гóсподи, и Цéркве Зи́ждителю, Ты менé утверди́ в любви́ Твоéй, желáний крáю, вéрных утверждéние, еди́не Человеколю́бче.

Пресвятáя Богорóдице, спаси́ нас.

Предстáтельство и покрóв жи́зни моея́ полагáю Тя, Богороди́тельнице Дéво: Ты мя окорми́ ко пристáнищу Твоему́, благи́х винóвна, вéрных утверждéние, еди́на Всепéтая.

Пресвятáя Богорóдице, спаси́ нас.

Молю́, Дéво, душéвное смущéние и печáли моея́ бу́рю разори́ти: Ты бо, Богоневéстная, начáльника тишины́ Христá родилá еси́, еди́на Пречи́стая.

Слава: Благодéтеля рóждши дóбрых винóвнаго, благодея́ния богáтство всем источи́, вся бо мóжеши, я́ко си́льнаго в крéпости Христá рóждши, Богоблажéнная.

И ныне: Лю́тыми неду́ги и болéзненными страстьми́ истязáему, Дéво, Ты ми помоги́: исцелéний бо неоску́дное Тя знáю сокрóвище, Пренепорóчная, неиждивáемое.

Спаси́ от бед рабы́ Твоя́, Богорóдице, я́ко вси по Бóзе к Тебé прибегáем, я́ко неруши́мей стенé и предстáтельству.

При́зри благосéрдием, всепéтая Богорóдице, на моé лю́тое телесé озлоблéние, и исцели́ души́ моея́ болéзнь.

Тропарь, глас 2-й

Молéние тéплое и стенá необори́мая, ми́лости истóчниче, ми́рови прибéжище, прилéжно вопиéм Ти: Богорóдице Влады́чице, предвари́, и от бед избáви нас, еди́на вскóре предстáтельствующая.

Песнь 4

Ирмос: Услы́шах, Гóсподи, смотрéния Твоегó тáинство, разумéх делá Твоя́ и прослáвих Твоé Божествó.

Пресвятáя Богорóдице, спаси́ нас.

Страстéй мои́х смущéние, кóрмчию рóждшая Гóспода, и бу́рю ути́ши мои́х прегрешéний, Богоневéстная.

Пресвятáя Богорóдице, спаси́ нас.

Милосéрдия Твоегó бéздну призывáющу подáждь ми, Я́же Благосéрдаго рóждшая и Спáса всех пою́щих Тя.

Пресвятáя Богорóдице, спаси́ нас.

Наслаждáющеся, Пречи́стая, Твои́х даровáний, благодáрственное воспевáем пéние, вéдуще Тя Богомáтерь.

Слава: На одрé болéзни моея́ и нéмощи низлежáщу ми, я́ко Боголюби́ва, помози́, Богорóдице, еди́на Приснодéво.

И ныне: Надéжду и утверждéние и спасéния стéну недви́жиму иму́ще Тя, Всепéтая, неудóбства вся́каго избавля́емся.

Песнь 5

Ирмос: Просвети́ нас повелéнии Твои́ми, Гóсподи, и мы́шцею Твоéю высóкою Твой мир подáждь нам, Человеколю́бце.

Пресвятáя Богорóдице, спаси́ нас.

Испóлни, Чи́стая, весéлия сéрдце моé, Твою́ нетлéнную даю́щи рáдость, весéлия рóждшая винóвнаго.

Пресвятáя Богорóдице, спаси́ нас.

Избáви нас от бед, Богорóдице Чи́стая, вéчное рóждши избавлéние, и мир, всяк ум преиму́щий.

Слава: Разреши́ мглу прегрешéний мои́х, Богоневéсто, просвещéнием Твоея́ свéтлости, Свет рóждшая Божéственный и превéчный.

И ныне: Исцели́, Чи́стая, души́ моея́ неможéние, посещéния Твоегó сподóбльшая, и здрáвие моли́твами Твои́ми подáждь ми.

Песнь 6

Ирмос: Моли́тву пролию́ ко Гóсподу, и Тому́ возвещу́ печáли моя́, я́ко зол душá моя́ испóлнися, и живóт мой áду прибли́жися, и молю́ся я́ко Иóна: от тли, Бóже, возведи́ мя.

Пресвятáя Богорóдице, спаси́ нас.

Смéрти и тли я́ко спасл есть, Сам Ся издáв смéрти, тлéнием и смéртию моé естествó я́то бы́вшее, Дéво, моли́ Гóспода и Сы́на Твоегó, врагóв злодéйствия мя избáвити.

Пресвятáя Богорóдице, спаси́ нас.

Предстáтельницу Тя животá вем и Храни́тельницу твéрду, Дéво, и напáстей решáщу молвы́, и налóги бесóв отгоня́ющу; и молю́ся всегдá, от тли страстéй мои́х избáвити мя.

Слава: Я́ко стéну прибéжища стяжáхом, и душ всесовершéнное спасéние, и прострáнство в скóрбех, Отрокови́це, и просвещéнием Твои́м при́сно рáдуемся: о, Влады́чице, и ны́не нас от страстéй и бед спаси́.

И ныне: На одрé ны́не немощству́яй лежу́, и несть исцелéния плóти моéй: но, Бóга и Спáса ми́ру и Избáвителя неду́гов рóждшая, Тебé молю́ся, Благóй: от тли неду́г возстáви мя.

Кондак, глас 6-й

Предстáтельство христиáн непосты́дное, ходатáйство ко Творцу́ непрелóжное, не прéзри грéшных молéний глáсы, но предвари́, я́ко Благáя, на пóмощь нас, вéрно зову́щих Ти; ускори́ на моли́тву, и пощи́ся на умолéние, предстáтельствующи при́сно, Богорóдице, чту́щих Тя.

Другой кондак, глас тот же

Не и́мамы ины́я пóмощи, не и́мамы ины́я надéжды, рáзве Тебé, Пречи́стая Дéво. Ты нам помози́, на Тебé надéемся, и Тобóю хвáлимся, Твои́ бо есмы́ рабы́, да не постыди́мся.

Стихира, глас тот же

Не ввéри мя человéческому предстáтельству, Пресвятáя Влады́чице, но приими́ молéние рабá Твоегó: скорбь бо обдéржит мя, терпéти не могу́ дéмонскаго стреля́ния, покрóва не и́мам, нижé где прибéгну окая́нный, всегдá побеждáемь, и утешéния не и́мам, рáзве Тебé, Влады́чице ми́ра, уповáние и предстáтельство вéрных, не прéзри молéние моé, полéзно сотвори́.

Песнь 7

Ирмос: От Иудéи дошéдше óтроцы, в Вавилóне иногдá, вéрою Трóическою плáмень пéщный попрáша, пою́ще: отцéв Бóже, благословéн еси́.

Пресвятáя Богорóдице, спаси́ нас.

Нáше спасéние Я́коже восхотéл еси́, Спáсе, устрóити, во утрóбу Дéвыя всели́лся еси́, ю́же ми́ру Предстáтельницу показáл еси́: отéц нáших Бóже, благословéн еси́.

Пресвятáя Богорóдице, спаси́ нас.

Воли́теля ми́лости, Егóже родилá еси́, Мáти чи́стая, умоли́ избáвитися от прегрешéний и душéвных скверн вéрою зову́щим: отéц нáших Бóже, благословéн еси́.

Слава: Сокрóвище спасéния и Истóчник нетлéния, Тя рóждшую, и столп утверждéния, и дверь покая́ния, зову́щим показáл еси́: отéц нáших Бóже, благословéн еси́.

И ныне: Телéсныя слáбости и душéвныя неду́ги, Богородитéльнице, любóвию приступáющих к крову Твоéму, Дéво, исцели́ти сподóби, Спáса Христá нам рóждшая.

Песнь 8

Ирмос: Царя́ Небéснаго, Егóже пою́т во́и áнгельстии, хвали́те и превозноси́те во вся вéки.

Пресвятáя Богорóдице, спаси́ нас.

Пóмощи я́же от Тебé трéбующий не прéзри, Дево, пою́щия и превознося́щия Тя во вéки.

Пресвятáя Богорóдице, спаси́ нас.

Неможéние души́ моея́ исцеля́еши и телéсныя болéзни, Дéво, да Тя прослáвлю, Чи́стая, во вéки.

Слава: Исцелéний богáтство изливáеши вéрно пою́щим Тя, Дéво, и превознося́щим неизречéнное Твоé рождество́.

И ныне: Напáстей Ты прилóги отгоня́еши и страстéй нахóды, Дéво: тéмже Тя поéм во вся вéки.

Песнь 9

Ирмос: Вои́стинну Богорóдицу Тя исповéдуем, спасéннии Тобóю, Дéво Чи́стая, с безплóтными ли́ки Тя величáюще.

Пресвятáя Богорóдице, спаси́ нас.

Тóка слез мои́х не отврати́ся, Я́же от вся́каго лицá вся́ку слéзу, отъемшаго, Дéво, Христá рóждшая.

Пресвятáя Богорóдице, спаси́ нас.

Рáдости моé сéрдце испóлни, Дéво, Я́же рáдости приéмшая исполнéние, грехóвную печáль потребля́ющи.

Пресвятáя Богорóдице, спаси́ нас.

Пристáнище и предстáтельство к Тебé прибегáющих бу́ди, Дéво, и стенá неруши́мая, прибéжище же и покрóв и весéлие.

Слава: Свéта Твоегó заря́ми просвети́, Дéво, мрак невéдения отгоня́ющи, благовéрно Богорóдицу Тя исповéдающих.

И ныне: На мéсте озлоблéния нéмощи смири́вшагося, Дéво, исцели́, из нездрáвия во здрáвие претворя́ющи.

Стихиры, глас 2-й

Вы́сшую небéс и чи́стшую свéтлостей сóлнечных, избáвльшую нас от кля́твы, Влады́чицу ми́ра пéсньми почти́м.

От мнóгих мои́х грехóв немощству́ет тéло, немощству́ет и душá моя́; к Тебé прибегáю, Благодáтней, надéждо ненадéжных, Ты ми помози́.

Влады́чице и Мáти Избáвителя, приими́ молéние недостойных раб Твои́х, да ходáтайствуеши к Рóждшемуся от Тебé; о, Влады́чице ми́ра, бу́ди Ходáтаица!

Пóем прилéжно Тебé песнь ны́не, Всепéтой Богорóдице, рáдостно: со Предтéчею и всéми святы́ми мóли, Богорóдице, éже ущéдрити ны.

Вся Áнгелов вóинства, Предтéче Госпóдень, апóстолов двоенадеся́тице, святи́и вси с Богорóдицею, сотвори́те моли́тву, во éже спасти́ся нам.

Молитвы ко Пресвятой Богородице

Цари́це моя́ преблагáя, надéждо моя́ Богорóдице, прия́телище си́рых и стрáнных Предстáтельнице, скорбя́щих рáдосте, оби́ди́мых Покрови́тельнице! Зри́ши́ мою́ беду, зри́ши мою́ скорбь, помози́ ми я́ко нéмощну, окорми́ мя я́ко стрáнна. Оби́ду мою́ веси́, разреши́ ту, я́ко воли́ши: я́ко не и́мам ины́я пóмощи рáзве Тебé, ни ины́я Предстáтельницы, ни Благи́я Утéшительницы, токмо Тебé, о Богомáти, я́ко да сохрани́ши мя и покры́еши во вéки векóв. Ами́нь.

К кому́ возопи́ю, Влады́чице? К кому́ прибéгну в гóрести моéй, áще не к Тебé, Цари́це Небéсная? Кто плач мой и воздыхáние моé прии́мет, áще не Ты, Пренепорóчная, надéждо христиáн и прибéжище нам грéшным? Кто пáче Тебé в напáстех защити́т? Услы́ши у́бо стенáние моé, и приклони́ у́хо Твоé ко мне, Влады́чице Мáти Бóга моегó, и не прéзри менé, трéбующаго Твоея́ пóмощи, и не отри́ни менé грéшнаго. Вразуми́ и научи́ мя, Цари́це Небéсная; не отступи́ от менé рабá Твоегó, Влады́чице, за роптáние моé, но бу́ди мне Мáти и Засту́пница. Вручáю себé ми́лостивому покрóву Твоéму: приведи́ мя грéшнаго к ти́хой и безмятéжней жи́зни, да плачуся о гресéх мои́х. К кому бо прибегну пови́нный аз, áще не к Тебé, уповáнию и прибéжищу грéшных, надéждою на неизречéнную ми́лость Твою́ и щедрóты Твоя́ окриля́емь? О, Влады́чице Цари́це Небéсная! Ты мне уповáние и прибéжище, покрóв и заступлéние и пóмощь. Цари́це моя́ Преблагáя и скóрая Засту́пнице! Покры́й Твои́м ходáтайством моя́ прегрешéния, защити́ менé от враг ви́димых и неви́димых; умягчи́ сердцá злых человéк, возстаю́щих на мя. О, Мáти Гóспода моегó Творцá! Ты еси́ кóрень дéвства и неувядáемый цвет чистоты́. О, Богороди́тельнице! Ты подáждь ми пóмощь немощству́ющему плотски́ми страстьми́ и болéзнующему сéрдцем, еди́но бо Твоé и с Тобóю Твоегó Сы́на и Бóга нáшего и́мам заступлéние; и Твои́м пречу́дным заступлéнием да избáвлюся от вся́кия бéды и напáсти, о Пренепорóчная и Преслáвная Бóжия Мáти Мари́е. Тéмже со уповáнием глагóлю и вопию́: рáдуйся, благодáтная, рáдуйся, обрáдованная; рáдуйся, преблагословéнная, Гóсподь с Тобóю.

Молитва о восстановлении мира

Владыко Многомилостиве Господи, Иисусе Христе, Боже наш, молитвами Всепречистыя Владычицы нашея Богородицы и Приснодевы Марии, святых равноапостольных великого князя Владимира и великия княгини Ольги, святых Новомучеников и исповедников Церкви нашея, преподобных и богоносных отец наших Антония и Феодосия, Киево-Печерских чудотворцев, Сергия, игумена Радонежского, Иова Почаевского, Серафима Саровского и всех святых, благоприятну сотвори молитву нашу о Церкви и о всех людех Твоих.

От единыя купели Крещения, еже при святем князе Владимире, мы, чада Твои, благодать восприяхом, — дух братолюбия и мира в сердцах наших навеки утверди!

Иноплеменным же языком, брани хотящим и на Святую Русь ополчающимся, — запрети и замыслы их ниспровергни.

Благодатию Твоею власти предержащие ко всякому благу настави, воинов — в заповедях Твоих утверди, лишенныя крова — в домы введи, голодныя — напитай, недугующая и страждущая — укрепи и исцели, в смятении и печали сущим — надежду благую и утешение подаждь, на брани убиенным — прощение грехов и блаженное упокоение сотвори.

Исполни нас яже в Тя веры, надежды и любве, яко да во всех странах наших единеми усты и единем сердцем исповемыся Тебе, Господу и Спасителю нашему Иисусу Христу, со Безначальным Твоим Отцем, Пресвятым Благим и Животворящим Твоим Духом во веки веков. Аминь.

Новые настройки времени чтения Псалтири

В соответствии с Уставом чтение Псалтири начинается вечером на Фоминой Неделе и заканчивается в Великую Среду. Богослужебный день начинается вечером предыдущего дня с началом Вечерни.

Мы изменили алгоритм определения времен чтения Псалтири в соответствии с требованиями Устава Церкви.

Вы можете настроить время начала богослужебного дня в  Личном кабинете. По умолчанию — 18:00.

Чтобы вернуть «как было» укажите время начала богослужебного дня на 00:00 (предыдущего дня).

Назначения в викариатствах

Распоряжением Святейшего Патриарха Московского и всея Руси Кирилла от 16 июля 2019 года епископ Воскресенский Дионисий назначен первым викарием Патриарха Московского и всея Руси с сохранением должности первого заместителя управляющего делами Московской Патриархии.

Управляющим Центральным викариатством в дополнение к несомым послушаниям назначен епископ Воскресенский Дионисий, с освобождением от должности управляющего Юго-Восточным викариатством.

Управляющим Юго-Восточным викариатством назначен архиепископ Егорьевский Матфей, с оставлением в должности управляющего Северо-Восточным викариатством.

Также распоряжением Святейшего Патриарха епископ Воскресенский Дионисий назначен председателем Комиссии по церковному имуществу и землевладениям при Епархиальном совете г. Москвы.

Новые участницы

К нам присоединились  для совместного чтения Псалтири Романовы Маргарита и Юлия, добавьте, пожалуйста, в свои помянники:

  • на первой Славе о здравии:
    Маргариту, игум. Наталию
    Иулию, Леонида
  • на третьей Славе о упокоении:
    Лидию, Михаила, Матрону, Гавриила
    Николая, Тимофея, Нину, Веру

Епископ Воскресенский Дионисий назначен управляющим Юго-Восточным викариатством

28 декабря 2018 года на заседании Священного Синода Русской Православной Церкви было заслушано сообщение Патриарха Московского и всея Руси Кирилла о необходимости иметь еще одного викарного епископа (журнал № 113).

Синод постановил назначить викарием Святейшего Патриарха Московского и всея Руси с титулом «Воскресенский» епископа Туапсинского Дионисия, викария Екатеринодарской епархии.

Распоряжением Святейшего Патриарха Московского и всея Руси Кирилла от 24 января 2019 года епископ Домодедовский Иоанн освобожден от управления Юго-Восточным викариатством, с сохранением за ним викариатства Новых территорий г. Москвы, а также благочиния ставропигиальных приходов и Патриарших подворий вне города Москвы.

Управляющим Юго-Восточным викариатством назначен епископ Воскресенский Дионисий, в связи с постановлением Священного Синода от 28 декабря 2018 года (журнал № 113) о назначении его викарием Патриарха Московского и всея Руси.

Новая участница

Братия и сестры,

к нам присоединилась для совместного чтения Псалтири Елена Ивановна Федорова. Пожалуйста, добавьте в свои Помянники:

На первой Славе о здравии:

Андрея, Димитрия, Марию, Елену

на третьей Славе о упокоении:

Иоанна, Марию, Екатерину

 

Новая участница

Братия и сестры,

к нам присоединилась для совместного чтения Псалтири Медведева Светлана Александровна. Пожалуйста, добавьте в свои Помянники:

На первой Славе о здравии:

Дарию, Наталию, Анастасию, Александра, Лидию, Бориса

на третьей Славе о упокоении:

прот. Алексия, Александру

 

Новый управляющий Юго-Восточным викариатством

Решением Священного Синода от 14 июля 2018 г. Савве, епископу Воскресенскому постановлено быть Преосвященным Тверским и Кашинским, главой Тверской митрополии. 18 июля 2018 г. за Божественной литургией в Успенском соборе Троице-Сергиевой лавры Святейшим Патриархом Кириллом Савва возведен в сан митрополита.

Новым управляющим Юго-Восточным викариатством и наместником Новоспасского ставропигиального монастыря назначен Преосвященный Иоанн, епископ Домодедовскийвикарий Святейшего Патриарха Московского и всея Руси.

Помолимся о здравии нашего нового архипастыря.

Слава Тебе, Боже наш, Слава Тебе.

Чтение Псалтири в 2018 г.

10 дней c Великого Четверга (5.04.18) до Антипасхи (15.04.18)  Псалтирь не читается. Мы возобновим чтение Псалтири в Фомино воскресенье (Антипасху) 15 апреля 2018 года с кафисмы соответствующей вашему номеру в двадцатке. 

К этому времени мы планируем переиздать помянник, который вы сможете получить начиная со Светлой Субботы за сваечным ящиком в храме. Пожалуйста, сообщите о всех своих изменения в списках (если таковые имеются) Нине Алексеевне не позднее Светлой Среды (11.04.18) лично, по телефону, посредством электронной почты или формы обратной связи на этом сайте

Новая участница

Братия и сестры,

к нам присоединилась для совместного чтения Псалтири Жеребина Елена Николаевна. Пожалуйста, добавьте в свои Помянники:

На первой Славе о здравии:

Елену, Ангелину, Валентину, Николая

на третьей Славе о упокоении:

Дмитрия

 

Осталось только 4 свободных места!